سياسة الخصوصية
آخر تحديث: سبتمبر 2026
خصوصيتك مهمة عندنا. الصفحة دي بتوضح إحنا بنجمع إيه ونستخدمه إزاي.
البيانات اللي بنجمعها
- بيانات الحساب: الاسم والبريد الإلكتروني وكلمة السر لما تعملي حساب. كلمة السر بتتخزن مشفرة عند Google Firebase، ومش بنقدر نشوفها.
- رسائل التواصل: الاسم ورقم الموبايل والرسالة اللي بتكتبيها في نموذج التواصل، وبتتبعت لنا على واتساب.
- بيانات الطلب: المنتجات والملاحظات ورقم الموبايل والعنوان اللي بتكتبيهم في السلة بيتبعتوا لنا في رسالة واتساب مع اسمك وإيميل حسابك.
بنستخدمها في إيه
- تجهيز طلبك وتوصيله والرد على استفساراتك.
- تسجيل دخولك وحفظ حسابك.
مش بنبيع بياناتك لأي حد، ومش بنستخدمها في إعلانات تخص جهات تانية.
الخدمات اللي الموقع بيعتمد عليها
- Google Firebase: لتسجيل الدخول وحفظ المنتجات.
- WhatsApp: لاستقبال الطلبات والتواصل معاكي.
- Cloudflare: لاستضافة الموقع.
كل خدمة من دول ليها سياسة خصوصية خاصة بيها.
بياناتك على جهازك
الموقع بيحفظ على جهازك رقم موبايلك وعنوانك اللي كتبتيهم في السلة، عشان مانطلبهمش منك في كل طلب، وبيانات تسجيل الدخول. تقدري تمسحيهم من إعدادات المتصفح.
حقوقك
تقدري في أي وقت تطلبي تعديل بياناتك أو مسح حسابك، بس ابعتي لنا على واتساب أو الإيميل.
تعديل السياسة
ممكن نحدّث الصفحة دي، وآخر تاريخ تحديث مكتوب في أولها.
تواصلي معانا
لو عندك أي سؤال: واتساب 0104 453 0598 (من 10 الصبح لـ 10 بالليل) أو الإيميل anaboza7784@gmail.com.